IPO फोकस्ड फंड म्हणजे काय ? ते कसे काम करतात ?

• Follow

रश्मीने ड्रोन बनवणारी कंपनी IdeaForge च्या IPO मध्ये गुंतवणूक केली होती. एका आठवड्यात हे पैसे दुप्पटदेखील झाले. असा फायदा बघून अनेक गुंतवणूदारांना IPO मधून पैसे गुंतवून पैसे कामवावेसे वाटतात. चांगल्या IPO मध्ये गुंतवणूक अधिक येते पण शेअर्समात्र खूप कमी लोकांना मिळतात. त्यामुळे अनेक जण नाराज देखील होतात. पण जरी शेअर्स तुम्हाला मिळाले तरीही लिस्टिंगच्या वेळी त्या शेअर्सचा फायदा होईलच असे नाही. त्यामुळे जर तुम्हाला चांगल्या कंपनीच्या IPO मध्ये शेअर मिळत नसेल आणि पैसे कामाऊ शकत नसाल तर IPO मार्केटमधून पैसे कमावण्यासाठी एक मार्ग तो जाणून घेऊया.

हा मार्ग म्हणजे IPO फोकस्ड म्युच्युअल फंडच्या माध्यमातून गुंतवणूकीचा. प्री-IPO फंड आणि पोस्ट-IPO फंड असे IPO फोकस्ड म्युच्युअल फंडाचे दोन प्रकार आहेत. हे अल्टर्नेटीव्ह इन्व्हेस्टमेंट फंडांतर्गत येतात. जो शेअर बाजारात लिस्ट होण्याच्या तयारीत आहे अशा कंपन्यांमध्ये प्री-IPO फंड गुंतवणूक करतात. तसेच जे पहिल्यापासून खासगी गुंतवणूकदारांची बचत असेल ज्यांचे फंडामेंटल्स आणि बिजनेस मॉडेल चांगले असतील अशा कंपन्यांमध्ये गुंतवणूक करतात. हे फंड या गुंतवणुकीवर 20 ते 25 % पर्यंत परतावा देतात.

2017 मध्ये IIFL अॅसेट मॅनेजमेंटने Special Opportunities Fund लॉंच केला. हा प्री-ipo मध्ये गुंतवणूक करत होता. IIFL Mutual Fund चे नाव बदलून आता 360 वन अॅसेट मॅनेजमेंट असे झाले आहे. अशा नॉन-लिस्टेड कंपन्यांमध्ये लहान गुंतवणूकदारांनी गुंतवणूक करणे सोपे नसते. पण प्री-IPO मुळे सहज गुंतवणूक होते.

पोस्ट-IPO फोकस्ड फंडाबाबत बोलायचे झाल्यास एडलवाईज AMC या प्रकारच्या फंडाच्या अनेक सिरिज लॉंच केल्या गेल्या आहेत. तसेच आतापर्यंत याने सरासरी एका वर्षामध्ये सुमारे 14 %, 3 वर्षामध्ये 24 % आणि 5 वर्षामध्ये 15 % वार्षिक परतावा दिला आहे.

तेजीच्या बाजारात IPO च्या संख्येत वाढ होत आहे. त्यामुळे गुंतवणूकदार हे प्रत्येक IPO बद्दल योग्य विश्लेषण करू शकणार नाहीत आशामध्ये IPO फंडाच्या मदतीने गुंतवणूकदारांना शेअर्समधील उच्चांकाचा फायदा घेता येतो.

असे फंड नंतरदेखील शेअर्समध्ये गुंतवणूक कायम ठेऊ शकतात. जर एखादा बिजनेस फंडामेंटल स्वरूपात मजबूत असेल तर त्यामध्ये केलेली गुंतवणूक ही फायदा मिळवून देऊ शकते. त्यामुळे शेअरची विक्री आणि खरेदी करायची आहे याबद्दल गुंतवणूकदाराला चिंता राहत नाही.

तेजीच्या बाजारात अनेक IPO ओव्हर प्राइज असतानाही फंड त्यामध्ये पैसे गुंतवतात. तसेच मंदीच्या बाजारात खूप कमी IPO देखील येऊ शकतात. त्यामुळे केवळ IPO वर फोकस करणे फायद्याचे ठरणार नाही. यामुळे फंडाची दीर्घकालिन कामगिरी मर्यादित आहे.

जर तुम्ही योग्य IPO निवडू शकत नसाल तर या फंडामध्ये पैसे गुंतवणे फायद्याचे आहे. पण ही गुंतवणूक जोखमीची ठरू शकते. IPO हे फोकस्ड फंडामध्ये प्रोफेशनल मॅनेजर चांगल्या कंपन्यांचे IPO निवडतात. यामध्ये सहसा फी अधिक असते. यामध्ये परतावा अधिक असून जोखीम देखील मोठी असते. त्यामुळे जे अधिक जोखीम पत्करण्याची तयारी दर्शवतात त्यांनीच या फंडात गुंतवणूक करावी असे मनी मंत्राचे संस्थापक विरल भट सांगतात.

म्हणजेच तुम्ही जोखीम घेणारे गुंतवणूकदायर असाल तरच या फंडात करा अथवा कोणत्याही डायव्हर्सिफाय इक्विटीफंडात पैसे गुंतवावे. तसेच गुंतवणूक नक्की कशी आणि कशामध्ये करावी हे समजत नसेल तर आर्थिक सल्लागाराची मदत अवश्य घ्या.