IT सेक्टरमध्ये “शॉर्ट टर्म पेन, लॉन्ग टर्म गेन”

• Follow

मागच्या 10 वर्षात रजतने IT कंपन्यांच्या शेअर्समधून भरपूर पैसे कमावले. मात्र, मागचे 2 वर्ष रजतसाठी फारसे चांगले गेले नाही.

जानेवारी 2022 मध्ये 39400 चा उच्चांक नोंदवल्यानंतर IT इंडेक्स 26000 पर्यंत खाली आला. IT इंडेक्समधील घसरण सध्या थांबली आहे, हा इंडेक्स आता 32000 ला ट्रेड करतोय. मात्र, IT कंपन्यांचे त्रैमासिक निकाल फारसे चांगले नाहीयेत. बहुतेक IT कंपन्यांचे निकाल मार्केटच्या अंदाजापेक्षा खराब होते… आर्थिक वर्ष 2024 च्या दुसर्‍या त्रमासिकात टेक महिंद्राच्या नफ्यात मागच्या 10 वर्षातली सर्वात मोठी घसरण पाहायला मिळाली… तर इन्फोसिस आणि HCL टेकनॉलॉजीसने गायडन्समध्ये कपात केली…

IT सेक्टरसाठी फ्युचर आऊटलूक कसा आहे?

हे विचारण्यासाठी रजतने आर्थिक सल्लागार राजीव यांना कॉल केला. मोठ्या IT कंपन्यांच्या व्यवसायावर नकारात्मक परिणाम झाला आहे, पण शेअरच्या किमती खाली आल्यामुळे बिझनेसमधील अडचणी डिस्कॉउंट झाल्या आहेत, असं राजीव यांचं मत आहे. तसेच, मिडकॅप IT कंपन्यांच्या व्यवसायावर फारसा नकारात्मक परिणाम झाला नाहीये, असं देखील राजीव म्हणाले. मोठ्या IT कंपन्या गायडन्समध्ये कपात करत असताना, दुसऱ्या बाजूला KPIT टेकने मात्र गायडन्समध्ये वाढ केली आहे. कंपनीचं उत्पन्न 27 टक्याने वाढेल असं कंपनीने आधी सांगितलं होतं, मात्र आता त्यांनी हा गायडन्स 37 टक्यापर्यंत वाढवला आहे. ऑपरेटिंग प्रॉफिट मार्जिनमध्ये सुधारणा होईल, अशी माहिती देखील कंपनीने दिली आहे. को-फोर्जने देखील गायडन्स मेंटेन ठेवला आहे. मिडकॅप IT कंपन्यांचा व्यवसाय वाढतोय, मात्र या शेअर्समध्ये आधीच खूप मोठी तेजी आली आहे. KPIT टेक्नॉलॉजीसचा शेअर मागच्या 1 वर्षात दुप्पट झाला आहे, हा शेअर सध्या 84 च्या PE मल्टिपलला ट्रेड करतोय. हीच परिस्थिती टाटा एलेक्सी, झेन्सार, पर्सिस्टन्ट आणि को-फोर्ज सारख्या शेअर्सची आहे. हे सगळे शेअर्स 50 पेक्षा जास्त PE ला ट्रेड करत आहेत.

एकंदरीत विचार केला तर मोठ्या IT कंपन्यांचे व्हॅल्युएशन आकर्षक आहेत, मात्र त्यांचा बिझनेस आऊटलूक खराब आहे.

तर दुसऱ्या बाजूला मिडकॅप IT कंपन्यांचा बिझनेस आऊटलूक चांगला आहे, मात्र हे शेअर्स सध्या खूप महाग व्हॅल्युएशनला ट्रेड करतायेत. अश्या परिस्थितीत गुंतवणुकीची स्ट्रॅटेजी ठरवायची असेल तर आपल्याला IT सेक्टरचा आऊटलूक समजून घ्यावा लागेल. तज्ञांचं असं मत आहे की अमेरिका आणि युरोपमध्ये असणारी आर्थिक अनिश्चितता आणि वाढत्या व्याजदरांमुळे, IT सेक्टरचा शॉर्ट टर्म आऊटलूक फारसा सकारात्मक दिसत नाही… इस्राईल हमास युद्ध लवकर मिटलं नाही तर जगातली महागाई कमी होणार नाही, त्यामुळे व्याजदर देखील कमी होणार नाहीत. व्याजदरात मागच्या 1 वर्षात खूप मोठी वाढ झाली आहे, त्यामुळे कॉर्पोरेट कंपन्यांना भांडवलासाठी कमीत कमी 4 ते 5% व्याज मोजावं लागत आहे. त्यामुळे, कंपन्यांच्या प्रॉफिटॅबिलिटीवर नकारात्मक परिणाम झाला आहे, अशी माहिती मार्केट एक्सपर्ट संतोष सिंग यांनी दिली आहे. पुढच्या 1 वर्षात व्याजदर कमी नाही झाले तर जागतिक बाजारात कंपन्यांची आर्थिक कामगिरी आणखी खराब होईल. त्यामुळे, कंपन्या IT स्पेंड कमी करतील आणि त्याचा भारतातल्या IT कंपन्यांवर नकारात्मक परिणाम होईल.

इन्फोसिससारख्या मोठ्या कंपन्यांचा बिझनेस आऊटलूक खराब असल्याने त्यांनी कर्मचारी कपात करायला सुरुवात केली आहे.

तसेच, या वर्षी कंपनी नवीन नोकरभरती करणार नाहीये. आता गुंतवणूकदारांसाठी सगळ्यात महत्वाचा प्रश्न म्हणजे, IT शेअर्स खरेदी करावे का नाही. IT सेक्टरमध्ये असणारी अडचण तात्पुरती आहे का हे रिसेशन बराच काळ चालेल, ते आपल्याला ठरवावं लागेल. IT एक्स्पोर्टमध्ये भारताचा सध्या 3% मार्केट शेअर आहे. भारतात कमी पगारात इंजिनिअर्स मिळतात, त्यामुळे भारतातला IT व्यवसाय भविष्यात मजबूत होण्याची शक्यता अधिक आहे. इन्फोसिस, विप्रो, टेक महिंद्रा या दिग्गज कंपन्या आहेत. या कंपन्या कॅश रिच आहेत. त्यामुळे, शेअर्समध्ये झालेली पडझड ही व्हॅल्यू बाईन्गची संधी आहे, असं आमचं मत आहे. IT सेक्टरमधील अनेक ब्ल्यू चिप शेअर्स आता आकर्षक व्हॅल्युएशनला ट्रेड करतायेत. पुढच्या 1 ते 2 वर्षात या शेअर्समध्ये कदाचित निगेटिव्ह रिटर्न मिळेल, मात्र पुढच्या 10 किंवा 20 वर्षाचा विचार केल्यास शेअर्सची किंमत बऱ्यापैकी वाढलेली असेल. त्यामुळे, IT शेअर्समध्ये गुंतवणूकदारांनी पुढच्या 12 ते 24 महिन्यात SIP च्या माध्यमातून गुंतवणूक केली तर चांगला फायदा मिळू शकेल. IT सेक्टरमध्ये सध्या “शॉर्ट टर्म पेन, लॉन्ग टर्म गेन” अशी परिस्थिती आहे. शेअर्समध्ये गुंतवणूक करायची नसेल तर गुंतवणूकदार IT फंडमध्ये गुंतवणूक करू शकतात.