सावधान ! आता व्हॉट्सॲपच्या माध्यमातून देखील होते फसवणूक
कॉल्सच्या , मेसेजच्या माध्यमातून झालेल्या फसवणुकीनंतर आता व्हॉट्सअप युजर्स देखील फसवणूक होत आहे.
सामान्य फोन कॉलद्वारे लोकांना लुटणारे सायबर ठग आता व्हॉट्सॲप आणि टेलिग्राम सारख्या कम्युनिकेशन प्लॅटफॉर्मवर लोकांना लक्ष्य करत आहेत. आजकाल अनेकांना व्हॉट्सॲप आणि टेलिग्रामवर आंतरराष्ट्रीय नंबरवरून व्हिडिओ कॉल येत आहेत. हे क्रमांक +251, 60 किंवा 84 किंवा इतर कोणत्याही आंतरराष्ट्रीय कोडने सुरू होतात. म्हणजेच, भारतातील एका ठिकाणाहून दुसऱ्या ठिकाणी कॉल केल्यास ते क्रमांक + 91 ने सुरू होतात जो भारताचा देश कोड आहे.
तुम्ही चुकून असे कॉल उचलले तर तुमच्या खात्यातून पैसे लगेच निघून जातील असे नाही. पण जर तुम्ही कॉल उचलला आणि बोललात तर हा कॉलर तुम्हाला काही स्टेप्स फॉलो करायला सांगेल जे तुम्ही अजिबात करू नये. असे केल्यास तुमच्यासोबत मोठी आर्थिक फसवणूक होऊ शकते.
हे कॉल्स कुठून येतात? यातील बहुतांश हे कॉल मलेशिया, इंडोनेशिया, व्हिएतनाम आणि केनियासारख्या देशांमधून येत आहेत. हे कॉल VOIP नेटवर्कद्वारे येतात. हे आंतरराष्ट्रीय कॉलर तुमच्या फोनवर मालवेअरसारखे धोकादायक व्हायरस ट्रान्सफर करत आहेत. काही वेळेस हे कॉल्स ब्लँक असतात. अअशा कॉल्सद्वारे लिंक पाठवून फसवणूक केली जाते.
फसवणूक कशी टाळायची? कॉल्समधून जी लिंक पाठवली जाते, त्यावर क्लिक करण्यास सांगितले जाते आणि काही स्टेप्स फॉलो करायला सांगितल्या जातात ते चुकूनही करू नका. असे केल्यास तुमचे आर्थिक नुकसान होईल. सायबर तज्ञ सल्ला देतात की तुम्ही असे कॉल अजिबात उचलू नका आणि त्यांच्यासोबत आलेल्या मेसेजला रिप्लाय देऊ नका. जर तुम्हाला हे कॉल आले तर ते नंबर त्वरित ब्लॉक करा. जर तुम्ही चुकून कॉल उचलला असेल आणि फसवणुकीला बळी पडला असेल तर लगेच त्याबद्दलची तक्रार सायबर सेलमध्ये नोंदवा.
टेलिकॉम कंपन्यांची उपाययोजना :
सध्या अशा फसवणुकीचे कॉल स्ट्रेस करणे कठीण झाले आहे. टेलिकॉम कंपन्या आणि रेग्युलेटर ट्राई रेग्युलर नेटवर्कवर स्पॅम कॉल आणि मेसेजला आळा घालण्यासाठी उपाययोजना करत आहेत. त्याचप्रमाणे सायबर गुन्हेगार आता OTT कम्युनिकेशन प्लॅटफॉर्मवर फसवणूक करत आहेत. व्हॉट्सअॅप आणि टेलिग्राम रेग्युलेटेड नसल्याने अशा कॉल्सवर आळा घालणे शक्य नसल्याचे टेलिकॉम कंपन्यांचे म्हणने आहे.
पर्सनल फायनान्सबद्दल अद्ययावत माहिती मिळवण्यासाठी डाऊनलोड करा Money9 App
