ऑनलाईन पोर्टलवर प्रॉपर्टी शोधताय? या गोष्टींची काळजी

• Follow

सोहम आजकाल खूप टेन्शनमध्ये आहे. त्याच्या टेन्शनचं कारण आहे, त्याने खरेदी केलेला नवीन फ्लॅट.

त्याने घर खरेदी करण्यासाठी रियल्टी पोर्टलची मदत घेतली होती. अनेक ऑनलाइन वेबसाईट शोधल्यावर त्याला एक फ्लॅट सापडला. ब्रोकरने त्याला फ्लॅट दाखवला. तो म्हणाला- हा फ्लॅट या सोसायटीतला सगळ्यात मोठा फ्लॅट आहे. तसेच, या एरियामध्ये 9000 हजार रुपये प्रति स्क्वेअर फूट हा रेट चालू असल्याचं ब्रोकरने सोहमला सांगितलं होतं. मात्र, फ्लॅट खरेदी केल्यावर सोहमला सोसायटीतल्या एका व्यक्तीने सांगितलं कि या एरियामध्ये केवळ 7 हजार रुपये रेट चालू आहे. तसेच, सोसायटीतला हा सगळ्यात लहान फ्लॅट आहे. ब्रोकरने आपल्याला फसवलं हे सिहंच्या लक्षात आलं, त्यामुळे तो सध्या अस्वस्थ आहे. मात्र, आता वेळ निघून गेली आहे, कारण फ्लॅटचं अग्रीमेंटदेखील झालं आहे.

सोहमसारखे बरेच लोकं आहेत, जे घर खरेदी करण्यासाठी ऑनलाईन प्रॉपर्टी पोर्टलची मदत घेतात.

बरेच लोकं बाहेरच्या शहरातून नोकरी किंवा व्यवसायासाठी पुणे किंवा मुंबईसकरख्या शहरांमध्ये येतात. एरिया नवीन असतो, त्यामुळे फ्लॅट शोधण्यासाठी ऑनलाईन पोर्टल हाच एकमेव पर्याय असतो. ऑनलाईन पोर्टलवर अनेक पर्याय उपलब्ध असतात. त्यामुळे, चांगलं घर शोधणं सोपं होतं. मात्र, ऑनलाईन पोर्टल मालक कमी आणि ब्रोकर जास्त असतात. ब्रोकर ग्राहकांना आपल्याकडे खेचण्यासाठी अनेक आयडिया वापरतात. त्यामुळे, ग्राहकांचं नुकसान होण्याची शक्यता असते. रस्ताही, ऑनलाईन पोर्टलवर घर शोधताना आपल्याला खबरदारी घेणेची गरज आहे. प्रॉपर्टी पोर्टलचा फायदा असा आहे की येथे तुम्हाला शेकडो प्रॉपर्टी काही क्लिक्समध्ये पाहायला मिळतात. याद्वारे तुम्ही तुमच्या आवडत्या ठिकाणी, तुमचे बजेट आणि गरजेनुसार घर शोधू शकता. तसेच तुम्ही इतर मालमत्तांच्या किंमतींची तुलना करू शकता. ऑनलाईन पोर्टल रिसेलच्या प्रॉपर्टी जास्त असतात. म्हणजेच, एखादा फ्लॅट किंवा घर जे बिल्डरकडून कोणीतरी विकत घेतले आहे आणि नंतर घरमालकाला ते घर विकायचं आहे.

प्रॉपर्टी मार्केटशी संबंधित तज्ज्ञांचे मत आहे की इंटरनेटवर घरांच्या खरेदी-विक्रीच्या मोठ्या प्रमाणात जाहिराती आहेत.

मात्र, या डेटाच्या सत्यतेबद्दल शंका आहे. विशेषत: किंमतीच्या बाबतीत. याची चौकशी करण्यासाठी, आम्ही एकाच सोसायटीतील एकाच आकाराच्या फ्लॅटची किंमत दोन वेगवेगळ्या रियल्टी पोर्टलवर शोधली. एका पोर्टलवर 1464 चौरस फूट 3BHK फ्लॅटची किंमत 56 लाख रुपये होती आणि त्याचं फ्लॅटची किंमत दुसऱ्या पोर्टलवर किंमत होती 78 लाख रु. होममेंट्सचे संस्थापक प्रदीप मिश्रा म्हणतात की, प्रॉपर्टी ऑनलाईन लिस्ट करताना, ब्रोकर अनेकदा चुकीचे फोटो, तपशील आणि फ्लॅटची कमी किंमत देतात. जेणेकरून ते घर खरेदीदारांचे लक्ष वेधून घेतात आणि लीड निर्माण करतात. .जेव्हा लोक एजंटशी संपर्क साधतात तेव्हा त्यांना सांगितले जाते की ती प्रॉपर्टी विकली गेली आहे. मात्र आम्ही तुम्हाला इतर प्रॉपर्टी दाखवू शकतो.

रिअल इस्टेट पोर्टल त्यांच्या प्लॅटफॉर्मवर फ्लॅट, घर, दुकान यासारख्या प्रॉपर्टी लिस्ट करताना प्रॉपर्टी आणि एजंटची पडताळणी करतात की नाही.

त्यांची व्हेरिफिकेशनची प्रक्रिया कशी आहे? ते आता जाणून घेऊया. बर्‍याच वेळा रिअल इस्टेट ब्रोकर्स त्यांच्या तर्काने आणि लालसेने तुमचे मन वळवण्याचा प्रयत्न करतात. तुम्हाला ही भीती दाखवली जाते की तुम्ही फ्लॅट खरेदी करत असलेल्या ठिकाणच्या प्रॉपर्टीची किंमत लवकरच वाढणार आहे. कारण काही मोठे इन्फ्रास्ट्रक्चर प्रोजेक्ट तिथे येणार आहेत. जेणेकरून तुम्ही घाबरून जाल आणि लगेच निर्णय घ्याल. यामुळे तुम्हाला असे वाटते की घर महाग होण्याआधी ते विकत घेणे चांगले आहे. ऑनलाइन पोर्टलवर मालमत्ता पाहिल्यानंतर, तुमच्यासाठी काही ऑफलाइन आणि ऑनलाइन सर्वे करणे महत्त्वाचे आहे. तुम्ही ज्या भागात घर खरेदी करण्याचा विचार करत आहात त्या भागात काम करणार्‍या काही ब्रोकर्सशी बोला… तुम्ही अशा लोकांशी देखील बोलू शकता ज्यांनी त्या सोसायटी किंवा परिसरात अलीकडे मालमत्ता खरेदी केली आहे.

घर खरेदी करण्यापूर्वी, मालमत्तेच्या ठिकाणी स्वतः भेट द्या.

बांधकाम सुरू असलेल्या मालमत्तेच्या बाबतीत, प्रकल्पाचा मास्टर प्लॅन, RERA नोंदणी, भोगवटा प्रमाणपत्र तपासा… घराचा ट्रॅक रेकॉर्ड तपासा. बिल्डरचे पूर्वीचे प्रकल्प… फ्लॅट मिळण्यास काही विलंब झाला का… कोणत्या प्रकारच्या सुविधा उपलब्ध आहेत… प्रकल्पाचा बांधकाम दर्जा कसा आहे… यासाठी तुम्ही त्या प्रकल्पात राहणाऱ्या लोकांशी बोलू शकता. रिसेल प्रॉपर्टीच्या बाबतीत, जमीनमालकाशी थेट बोला… तसेच, पझेशन लेटर, कम्प्लिशन सारिटीफिकेट, भोगवटा प्रमाणपत्र, सेल डीड, चेन डीड आणि भार प्रमाणपत्र तपासा.. . या कामात एक चांगला वकील तुम्हाला मदत करू शकतो. ऑनलाइन पोर्टलद्वारे सापडलेल्या रिअल इस्टेट एजंटबद्दल बहुतेक खरेदीदारांना कल्पना नसते. अशा परिस्थितीत एजंटकडून त्याच्या 4-5 जुन्या क्लायंटचे नंबर घ्या… त्यांच्याशी बोला आणि ब्रोकरसोबतचा त्यांचा अनुभव जाणून घ्या… ब्रोकरबद्दल ऑनलाइन शोधा… त्यांची सोशल मीडिया अकॉउंट तपासा… अनेक ग्राहक ब्रोकरसोबतचे त्यांचे चांगले अनुभव सोशल मीडियावर शेअर करतात… हे तुम्हाला ब्रोकर ओळखण्यात मदत करू शकते…

घर घेण्याआधी सोहमने थोडा सर्वे केला असता तर आज त्याच्यावर अस्वस्थ होण्याची वेळ आली नसती.

प्रॉपर्टी पोर्टलचे काम फक्त जाहिराती दाखवणे असते. हे पोर्टल एखाद्या ठिकाणी घर शोधण्यासाठी, किंमत जाणून घेण्यासाठी आणि इतर प्रकल्पांशी किमतींची तुलना करण्यासाठी चांगली आहेत… मात्र, तुम्हाला पुढचं काम स्वतः कराव लागेल… तुम्ही योग्य रिसर्च नाही केला तर, तुमचे पैसे अडकू शकतात किंवा मोठं नुकसान होऊ शकतं. तुमचे कष्टाचे पैसे वाचवण्यासाठी आणि मनस्ताप होऊ नये यासाठी ऑनलाइन रिअल इस्टेट डीलमध्ये ऑफलाइन रिसर्च खूप महत्त्वाचा आहे.